अभंग सुंदर अजिंक्य धीट्टा ,कणखर तरी सौम्य असे
निबीड घोर तो अजिंक्य ऐसा ,जणु धरेवर स्वर्ग वसे
भारत भू चा श्रीविष्णू जो,अरिहंता महारुद्र असे
सुकिर्तीशाली सर्ववैभवी , महा श्रेष्ठ महाराष्ट्र असे
जिव्हेस येथे खडग धारी वरी ,वाहे पयाचे स्त्रोत तरी
श्रीमंती बहु मनात मोठी, तिजोरी रिकामी असे जरी
उंच सह्य सम चरित्र उत्तुंग्,पाय सदा तरी धरेवरी
देव देश अन धर्मासाठी ,बलिदानाचे मानकरी
किती निरखिले किती पाहिले अंदाज लावण्या क्लिष्ट असे
सुकिर्तीशाली सर्ववैभवी,महा श्रेष्ठ महाराष्ट्र असे
बाजी©
No comments:
Post a Comment