दैव भाग आहे

गालगागा गालगागा गालगाल गागा

का मनी या मत्सराची सुप्त आग आहे
जे मिळाले ना मला तो दैव भाग आहे

या अपेक्षा तु कशाला ठेवतोस वेड्या
त्रास मोठा हा जिवाला प्रेम रोग आहे

रात्र सारी जागलो मी ,पावसात जेव्हा
जे गळाले छत घराचे कर्मभोग आहे

बेसुर बेताल सारे गीत मैफिलीचे
दुःख ना गीतात सार्या फोल राग आहे

कि विणावे मी कितीदा विस्कटून धागे
अर्थ ना नात्यात काही जिर्ण ताग आहे

पाजले मी दूध ज्याना अंगणात माझ्या
ते विषारी पाहिले मी घोर नाग आहे