Saturday, 21 April 2018

त्या रात्रीचा पाऊस

त्या रात्रीचा पाऊस सखे
अजुन ही पडतोच आहे
डोळ्यातुन विरह मृग
अजुन ही झडतोच आहे

त्या रात्रीचा पाऊस सखे
अजुन ही भिजवतो आहे
हृदयातील वणवा माझ्या
अजुन विझतोच आहे

त्या रात्रीचा पाउस सखे
गंध मातीतुन उधळितोच आहे
मन तुझ्या आठवणींच्या
सहवासात गुंतवितोच आहे

त्या रात्रीचा पाऊस सखे
अंग अजुन शाहारितोय
उब तुझ्या श्वासांची आज
पुन्हा आठवितो आहे

बाजी©

No comments:

Post a Comment

पानिपत काव्य

प्रलयलोटला सागर उठला  खणाणल्या समशेरी महाभारतासम रण दिसले कुरुक्षेत्राची भुमी भाऊ सदाशिव रणात तांडव काळाग्निसम करीत भिडले शिंद्याचे रण भैरव ...